• འབྲུག་རྒྱལ་ཁབ་ཀྱི་ མི་སྡེ་ཤེས་ཡོན་ལྡནམ་སྦེ་བཟོ་ནི་དང་ མི་སྟོབས་གོང་འཕེལ་གྱི་འཆར་གཞི་ཚུ་ གཅིག་མཐུན་དང་གཅིག་བསྡོམ་གྱི་ཐོག་ལས་བཟོ་ནི།
• བློ་རིག་ཅན། དུས་ཐོག་གི་བརྡ་དོན། བློ་གཏད་ཅན་བཟོ་ནི་དང་ ལས་གཡོགཔ་ཚོང་ལམ་ལུ་དགོས་མཁོ་ཆེ་བའི་
• ལས་གཡོག་ཚོང་ལམ་གྱི་དགོས་མཁོ་དང་བསྟུན་ གདོང་ལན་དང་འཆར་གཞི་གི་དོན་ལུ་ བློ་རིག་ཅན། དུས་ཐོག་ལུ་ བློ་གཏད་ཚུགས་པའི་ ལས་གཡོག་ཚོང་ལམ་གྱི་གནས་ཚུལ་དང་ཞིབ་འཚོལ་འབད་ནི།
• སློབ་སྦྱོང་དང་ ཐོན་སྐྱེད་ཡར་དྲག་གཏང་ཐབས་ལུ་ རིག་རྩལ་སྦྱོང་བརྡར། ལས་གཡོགཔ་ཚུ་གོང་འཕེལ་གཏང་ནི།

DNHRD STRUCTURE

རྒྱལ་ཡོངས་མི་སྟོབས་གོང་འཕེལ་ལས་ཁུངས།

• ལས་ཁུངས་དེ་གིས་ རྒྱལ་ཡོངས་མི་སྟོབས་གོང་འཕེལ་འགོ་འདྲེན་ཚོགས་ཆུང་གི་ བདག་སྐྱོང་ཡིག་ཚང་གི་ལཱ་འགན་འབགཝ་ཨིན། རྒྱལ་ཡོངས་མི་སྟོབས་གོང་འཕེལ་ཚོགས་ཆུང་གི་ལཱ་འགན་དེ་ རྒྱལ་ཡོངས་མི་སྟོབས་གོང་འཕེལ་ལས་ཁུངས་ཀྱིས་བརྩམས་ཡོད་མི་ སྲིད་བྱུས་ཚུ་ལག་ལེན་འཐབ་ནི་དེ་ཨིན། ཚོགས་ཆུང་དེ་གིས་ མི་སྟོབས་གོང་འཕེལ་གྱི་ལས་ཁུངས་ཚུ་ མཐུན་འབྲེལ་ཐོག་ རྒྱལ་ཁབ་ནང་ལུ་ མི་སྟོབས་གོང་འཕེལ་གྱི་ལས་རིམ། གདོང་ལན་དང་གོ་སྐབས་ཚུ་གི་སྐོར་གྲོས་བསྡུར་འབད་ནི་གོ་སྐབས་བྱིནམ་ཨིན།
• རྒྱལ་ཡོངས་མི་སྟོབས་གོང་འཕེལ་གྱི་སྲིད་བྱུས་ཡིག་ཆ། འཆར་གཞི་དང་ཐབས་ཤེས་ཚུ་བརྩམ་ནི།
• ལས་ཁུངས་དེ་གིས་འགོ་འདྲེན་ཐོག་ རྒྱལ་ཁབ་ནང་ཡོད་པའི་མི་སྟོབས་གོང་འཕེལ་གྱི་ལས་ཁུངས་ཚུ་ མཉམ་རུབ་ཀྱི་ཐོག་ལས་ མི་སྟོབས་གོང་འཕེལ་གྱི་མཐུན་འབྲེལ་ཡར་དྲག་གཏང་ནི།
• ལས་ཁུངས་དེ་གིས་ མི་སྟོབས་ཀྱི་འཆར་གཞི་བརྩམ་ནི་དང་སྔོན་དཔག་འབད་ནི། སྤྱིར་གཏང་མི་སྟོབས་ཀྱི་གནས་སྟངས་དང་ རྒྱལ་ཁབ་ཀྱི་དགོས་མཁོ་དང་བསྟུན་ ལོ་བསྟར་མི་སྟོབས་གོང་འཕེལ་གྱི་སྙན་ཞུ་སྟོནམ་ཨིན། དེ་འབདཝ་ལས་ དཔལ་འབྱོར་གྱི་ལས་སྡེ་ཚུ་ནང་ མ་འོངས་མི་སྟོབས་གོང་འཕེལ་གྱི་གདོང་ལན། གོ་སྐབས་དང་གནས་སྟངས་ག་བཟུམ་འོང་ནི་ཨིན་ན་ ཉམས་རྟོགས་འབྱུང་ནིའི་དོན་ལུ་ བསམ་ཤེས་ཅན་གྱི་ལས་ཁུངས་ཅིག་སྦེ་ ལཱ་འབདཝ་ཨིན།
• མི་སྟོབས་གོང་འཕེལ་དང་འབྲེལ་བའི་གོ་སྐབས། དཀལ་ངལ་དང་གདོང་ལན་ཡོད་ལུགས་ཚུ་གི་སྐོར་ལས་ རྒྱལ་གཞུང་དང་ གཞན་ཡང་འབྲེལ་ཡོད་ལས་སྡེ་ཚུ་ལུ་ གྲོས་བསྟུན་དང་ ལམ་སྟོན། རྒྱབ་སྐྱོར་ཕུལ་ནི།
• རྒྱལ་ཁབ་ནང་འཁོད་དང་རྒྱལ་སྤྱིའི་གནས་སྟངས། ལཱ་གཡོག་ཚོང་ལམ་གྱི་དགོས་འདོད་དང་ མི་སྡེའི་རེ་བ་བསྒྱུར་བ་ཡོད་མི་དང་བསྟུན་ མི་སྟོབས་གོང་འཕེལ་གྱི་སྲིད་བྱུས་ཚུ་ བསྐྱར་ཞིབ་དང་དུས་མཐུན་བཟོ་ནི།
• རྒྱལ་ཁབ་ནང་ མི་སྟོབས་གོང་འཕེལ་གྱི་ལས་རིམ་རྒྱབ་སྐྱོར་ལུ་གྲོགས་རམ་འབད་མི་ རྒྱལ་སྤྱིའི་མི་སྟོབས་གོང་འཕེལ་གྱི་ལས་སྡེ་ཚུ་དང་གཅིག་ཁར་ འབྲེལ་བ་བཟོ་མི་ལས་ཁུངས་གཙོ་བོ་ཅིག་ཨིན། /li>
• ལས་ཁུངས་རང་སོའི་མི་སྟོབས་གོང་འཕེལ་གྱི་དགོས་མཁོ་དང་བསྟུན་ མི་སྟོབས་གོང་འཕེལ་གྱི་འཆར་གཞི་བརྩམ་མི་ཚུ་ལུ་ སྤྱིར་གཏང་གྱི་ལམ་སྟོན་དང་གྲོགས་རམ་ཚུ་འབདཝ་ཨིན།
• མི་སྟོབས་གོང་འཕེལ་གྱི་སྲིད་བྱུས་དང་ཞབས་ཏོག་ལས་བརྟེན་ གྲུབ་འབྲས་དང་ཕན་གནོད་ཚུ་ག་དེ་སྦེ་འདུག་ག་ དབྱེ་ཞིབ་འབད་ཐབས་ལུ་ ལྟ་རྟོག་དང་དབྱེ་ཞིབ་ཀྱི་རིམ་ལུགས་བཟོ་ནི།

ལཱ་གཡོག་ཚོང་ལམ་གནས་ཚུལ་དང་ཞིབ་འཚོལ་སྡེ་ཚན།

• ལག་ལེན་དངོས་བསྟར་ཡོད་པའི་ འཆར་གཞི་བཟོ་ནི། ལས་རིམ་དང་ལས་འགུལ་གསརཔ་བཅའ་སྒྲིག་རྐྱབ་ནི་དང་ ལས་རིམ་དང་ལས་འགུལ་ལག་ལེན་དང་དབྱེ་ཞིབ་འབད་ནིའི་དོན་ལུ་ རྒྱལ་ཡོངས་གཡོག་སྤྲོད་དང་ ལཱ་གཡོག་དཀའ་ངལ་སྐོར་ཞིབ་འཚོལ་འབད་ནི།
• སྡེ་ཚན་དེ་གིས་ གནས་ཚུལ་སྤེལ་ནིའི་རིམ་ལུགས་བཟོ་ནི་དང་ ལཱ་གཡོག་དང་གཡོག་སྤྲོད་ཀྱི་གནས་ཚུལ་བསྡུ་སྒྲིག་འབད་ནི་ནང་གྲལ་གཏོགས་ཡོད་པའི་ལྷན་ཁག ལས་ཁུངས་དང་ལས་སྡེ་ཚུ་དང་གཅིག་ཁར་ མཐུན་ལམ་གྱི་ཐོག་ལས་ལཱ་འབད་ནི། ལས་ཁུངས་དེ་ རྒྱལ་ཁབ་ཀྱིས་ངོས་འཛིན་དང་བརྩི་བཀུར་ཡོད་པའི་ ལཱ་གཡོག་གྱི་གནས་ཚུལ་རིམ་ལུགས་བཟོ་ནི་དང་ རྒྱལ་ཁབ་ཀྱི་ལཱ་གཡོག་གནས་ཚུལ་གྱི་གློག་ཤེས་བཟོ་ནི།
• ཞི་གཡོག་མེན་པའི་ལས་སྡེ་ཚུ་གི་གནས་སྡུད་དང་གནས་ཚུལ་ཚུ་ རྒྱལ་ཁབ་ཀྱི་གནས་ཚད་ཁར་བསྡུ་སྒྲིག་དང་འཛིན་སྐྱོང་འབད་ནི།
• ཞི་གཡོག་མེན་པའི་ལས་སྡེ་ཚུ་གི་ གཡོག་སྡེ་དང་ལཱ་གཡོག་ཐོ་བཀོད་གནས་ཚུལ་ ལས་སྡེའི་ལོ་རྒྱུས། བཀོད་སྒྲིག། གནས་ཚད་དང་ ལཱ་གཡོག་སྤྲོད་ཚུགས་དང་མ་ཚུགས་་ཚུ་ འཛིན་སྐྱོང་དང་དུས་མཐུན་བཟོ་ནི།
• སྙན་ཞུ། ལས་རིམ་དང་སྲིད་བྱུས་སྔོན་དཔག་རྒྱབ་སྐྱོར་གྱི་དོན་ལུ་ རྟག་ཞིབ་འགོ་འདྲེན་འཐབ་ནི་དང་ ལས་གཡོག་ཚོང་ལམ་གྱི་གནས་སྡུད་ཚུ་རྒྱུན་སྐྱོང་འབད་ནི།
• མི་སྟོབས་གོང་འཕེལ་འཆར་གཞི་དང་སྔོན་དཔག་གི་དོན་ལུ་ ད་ལྟོའི་མི་སྟོབས་བཀྲམ་སྤེལ་དང་མཁོ་འདོད་དང་བསྟུན་ ལཱ་གཡོག་ཚོང་ལམ་གྱི་གནས་ཚུལ་སྟོན་ནི།
• རྒྱལ་ཁབ་ཀྱི་གནས་ཚད་ཁར་ ལཱ་གཡོག་ཚོང་ལམ་གྱི་གནས་ཚུལ་བསྡུ་སྒྲིག་དང་ ལོ་བསྟར་བཞིན་ ལཱ་གཡོག་གི་སྐོར་བརྟག་ཞིབ་འབད་ནི།/li>
• བཟོ་རིག་དང་ལག་རིག་སློབ་སྦྱོང་དང་སྦྱོང་བརྡར། ཕྱིའི་ལས་མི། ལཱ་གཡོག་ཡོད་མི། ལཱ་གཡོག་མེད་མི་དང་ ལཱ་གཡོག་ཚོང་ལམ་གྱི་གནས་ཚུལ་ཚུ་ དུས་ཚོད་ཁར་འཐོབ་ནི་དང་ བློ་གཏད་ཚུགས་པའི་གནས་སྡུད་འོང་འཐབ་ལུ་ འབྲུག་གི་ལཱ་གཡོག་ཚོང་ལམ་གྱི་གནས་ཚུལ་རིམ་ལུགས་འཛིན་སྐྱོང་འབད་ནི།
• ལས་གཡོག་ལྷན་ཁག་གི་ལས་རིམ་ཚུ་ལུ་ བརྟག་ཞིབ། ལྟ་རྟོག་དང་དབྱེ་ཞིབ་གྱི་རྒྱབ་སྐྱོར་འབད་ནི།
• ལས་ཁུངས་དང་ལས་སྡེ་སོ་སོར་ཚུ་དང་མཉམ་འབྲེལ་ཐོག་ ལཱ་གཡོག་ཚོང་ལམ་གྱི་གནས་ཚུལ་གཅིག་བསྡོམ་བཟོ་སྟེ་རྒྱུན་སྐྱོང་འབད་ནི།

སྦྱོང་བརྡར་དང་གོང་འཕེལ་སྡེ་ཚན།

• ཞི་གཡོག་མེན་པའི་ལས་སྡེ་ཚུ་གི་དོན་ལུ་ སྦྱོང་བརྡར་གྱི་དགོས་མཁོ་ཚུ་ བརྟག་ཞིབ་འབད་ནི།
• གཡོག་ཡོད་མི་ཚུ་གི་དོན་ལུ་ ཡུན་ཐུང་དང་ཡུན་རིང་གི་ལས་རིམ་ཚུ་བརྩམ་ནི། འགོ་འདྲེན་འཐབ་ནི་དང་ གཞི་བཙུགས་འབད་ནི།
• མི་སྟོབས་དང་རིག་རྩལ་གོང་འཕེལ་གྱི་ལས་འགུལ་ཚུ་ འཆར་གཞི་བརྩམ་སྟེ་ གཞི་བཙུགས་འབད་ནི།
  • མི་སྟོབས་གོང་འཕེལ་གྱི་དོན་ལུ་ སྦྱོང་བརྡར་དང་སློབ་གཉེར་གྲོགས་རམ་ཚུ་ རྒྱལ་ཁབ་ཕྱི་ནང་གཉིས་ཆ་རའི་ནང་ འཆར་གཞི་བརྩམ་སྟེ་ འགོ་འདྲེན་འཐབ་ཐོག་ལས་ གཞི་བཙུགས་འབད་ནི།
  • རྒྱལ་ཁབ་ཕྱི་ནང་གཉིས་ཆ་རའི་ནང་གི་ མི་སྟོབས་གོང་འཕེལ་གཏང་ནི་ལུ་གཙོཝ་བཏོན་མི་ གྲོགས་རམ་པ་དང་ ལས་སྡེ། ལས་ཚོགས། གཙུག་སྡེ་ཚུ་དང་གཅིག་ཁར་ མཐུན་འབྲེལ་བཟོ་ནི་དང་ སྦྱོང་བརྡར་དང་གཙུག་ལག་འཐུས་ཚོགས་ཀྱི་གྲོགས་རམ་ཚུ་ དགོས་འདོད་ལུ་གཞི་བཞག་སྟེ་བཟོ་ནི།
  • ཞི་གཡོག་མེན་པའི་ལས་སྡེ་གི་དོན་ལུ་ གྲོགས་རམ་པ་གིས་རྒྱབ་སྐྱོར་འབད་ཡོད་མིའི་ དུས་རྒྱུན་ ཡང་ན་ གློ་བུར་གྱི་ འཐུས་ཚོགས་/སློབ་གཉེར་གྲོགས་རམ་ཚུ་ གཞི་བཙུགས་འབད་ནི།
  • ཞི་གཡོག་མེན་པའི་ལས་སྡེ་གི་ མི་སྟོབས་གོང་འཕེལ་གཏང་ནིའི་ བྱ་སྒོའི་རིམ་པ་ཚུ་ ཡར་དྲག་བཟོ་ནི་དང་ ཞི་གཡོག་མེན་པའི་ལས་སྡེ་གི་ མི་སྟོབས་གོང་འཕེལ་བཅའ་ཡིག་དང་སྒྲིག་གཞི་ལུ་གནས་ཐོག་ ལས་སྡེ་འདི་ཚུ་ལུ་ སྦྱོང་བརྡར་དང་མི་སྟོབས་གོང་འཕེལ་གྱི་ལས་རིམ་ཚུ་ བྱིན་ཡོདཔ་ངེས་བརྟན་བཟོ་ནི།
  • ཞི་གཡོག་མེན་པའི་ལས་སྡེ་ལས་ རང་གིས་ཟད་འགྲོ་གཏང་ཐོག་ མི་སྟོབས་གོང་འཕེལ་ལས་རིམ་འོང་མི་ཚུ་ ཆ་འཇོག་འབད་ནི་ལུ་ ཕན་གྲོགས་འབད་ནི།
  • ཞི་གཡོག་མེན་པའི་ལས་སྡེ་གི་ མི་སྟོབས་གོང་འཕེལ་གཏང་ནིའི་དོན་ལུ་ འོས་འབབ་ཅན་གྱི་སློབ་གཉེར་གྲོགས་རམ་གྱི་ལས་རིམ་ཚུ་ འཆར་གཞི་བརྩམ་ནི།
  • ཞི་གཡོག་མེན་པའི་ལས་སྡེ་ཚུ་གི་ མི་སྟོབས་གོང་འཕེལ་གྱི་གནས་སྡུད་གཞི་མཛོད་ དུས་མཐུན་བཟོ་ཐོག་རྒྱུན་སྐྱོང་འབད་ནི་དང་ མི་སྟོབས་གོང་འཕེལ་གྱི་གནས་སྡུད་ ཟླཝ་གསུམ་རེ་ལུ་བཏོན་ནི།